मुख्यमंत्री अन्नपूर्णा योजनेंतर्गत जिल्ह्यातील एक लाख ४३ हजार २७१ महिलांना वर्षभरात तीन गॅस सिलिंडर मोफत मिळणार आहेत. या योजनेअंतर्गत लाभार्थी महिलांच्या बँक खात्यात प्रत्येक सिलिंडरमागे 830 रुपये अनुदान जमा केले जाईल. गॅस कंपन्यांकडून महिलांच्या नावाने नोंदणीसाठी यादी मागविण्यात आली असून, आता त्याची पडताळणी सुरू आहे.
योजनेच्या अटी
या योजनेचा लाभ घेण्यासाठी महिलांनी खालील अटी पूर्ण करणे आवश्यक आहे.
- महिला लाभार्थी महाराष्ट्रातील रहिवासी असावी.
- कुटुंबातील सदस्यांची संख्या पाच असावी.
- घरामध्ये 14.2 किलो LPG गॅस सिलेंडर कनेक्शन असावे.
- महिला मुख्यमंत्री लाडकी बहिन योजनेंतर्गत पात्र असावी.
गॅस एजन्सीशी संपर्क साधा
योजनेअंतर्गत लाभ मिळवण्यासाठी, महिलांनी त्यांच्या गॅस एजन्सीशी संपर्क साधून ई-केवायसी प्रक्रिया पूर्ण करणे आवश्यक आहे. उज्ज्वला योजनेचा लाभ घेणाऱ्या महिलांनाही या योजनेचा लाभ घेता येणार आहे. महिला प्रथम स्वखर्चाने गॅस सिलिंडर खरेदी करतील, त्यानंतर खर्चाची सबसिडी त्यांच्या खात्यात जमा केली जाईल.
लाभार्थी डेटा
अन्न व नागरी पुरवठा विभागाच्या मुख्य कार्यालयात लाडकी बहिन योजनेच्या लाभार्थ्यांची माहिती संकलनाचे काम सुरू आहे. योजनेच्या अटींवर आधारित, प्रति कुटुंब फक्त एक लाभार्थी पात्र असेल आणि एका महिन्यात एकापेक्षा जास्त गॅस सिलिंडर मिळणार नाही.
या योजनेचा लाभ लवकरच मिळणार आहे, मात्र सिलिंडर खरेदी करताना पैसे भरल्याशिवाय मिळत नसल्याने गृहिणींमध्ये संभ्रम निर्माण झाला आहे. जिल्ह्यात उज्ज्वला गॅसधारकांची संख्या एक लाख ४३ हजार २७१ असून, योजनेचे एकूण किती लाभार्थी आहेत, हे अद्याप निश्चित झालेले नाही.